Қазақстанның таза халықаралық резерві алғаш рет 50 млрд доллардан асты, деп жазады inbusiness.kz сайты.
Сәуірде бұл көрсеткіш 4,76% немесе 2,28 млрд долларға, ал жыл басынан бері 15,51% немесе 6,75 млрд долларға өсті. Жалпы халықаралық резервтер 52,3 млрд долларды құрады. Онда алтын және шетелдік валюта бар.
Алтын қоры сәуірде 5,59%, ал жыл басынан бері 29,06% өсіп, 30,7 млрд долларға жетті. Валюта активтері бір айда 3,33% көбейіп, 21,6 млрд долларды құрады, бірақ жыл басынан бері 1,61% азайды.
Бұл ретте Ұлттық қор активі азайып барады, сәуірде 0,09%, ал жыл басынан бері 1,74% азайып, 57,8 млрд долларды құрады.
Айта кетейік, бүгін Халықаралық валюта қоры Қазақстанның экономикасына қатысты мәлімдеме жасады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
