Ұлттық экономика бірінші вице-министрі Азамат Әмрин қосылған құн салығы бойынша есепке қою шегін төмендетуге қатысты пікір білдірді, деп хабарлайды inbusiness.kz сайты.
"Бүгінгі таңда кәсіпорындардың тек 4%-ы қосылған құн салығын төлейді. Көптеген компания салық салуды болдырмау үшін бизнесті жасанды түрде бөлшектейді. Бұл салық жүйесін бұзады және ҚҚС-ты қалыпты есепке жатқызуға кедергі келтіреді. Сондықтан есепке қою шегін 80 млн теңгеден 15 млн теңгеге дейін төмендету ұсынылады. Шығындарды бөлшектеу құны бөлшектеуден түсетін пайдадан асып түсетін жағдайлар жасалады", – деді Азамат Әмрин.
Оның айтуынша, бұл бизнес үшін тең жағдай жасайды, жалтару схемаларын болдырмайды.
Үкімет мәселеде халықаралық тәжірибеге бағдарланып отыр.
Айта кету керек, осыған дейін Мәжілісте Салық кодексінің жобасына Үкіметтің жаңа бастамаларын талқылау тақырыбындағы дөңгелек үстел өтіп жатқанын жазғанбыз.
