/img/tv1.svg
RU KZ
Қоғамдық көлік жүргізушілері жаппай жұмыстан шығып жатыр

Қоғамдық көлік жүргізушілері жаппай жұмыстан шығып жатыр

Автобуста маска тақпаған жолаушылар болса және қоғамдық көліктің ішінде тұрған адам болса айыппұл жүргізушіге салынады.

10 Тамыз 2020 15:39 225

Қоғамдық көлік жүргізушілері жаппай жұмыстан шығып жатыр

Петропавлда қоғамдық көлік жүргізушілері жаппай жұмыстан шығып жатыр. Бүгінгі күні ондаған автобус бағдары жолға шықпай, тұрақта қаңтарылып тұр, деп хабарлайды Atameken Business. 

Жүргізушілердің айтуынша, жұмыстан кетуге түрткі болған басты себеп, тексерістің көбейгені екен. Нақтырақ айтсақ, автобуста маска тақпаған жолаушылар болса және қоғамдық көліктің ішінде тұрған адам болса айыппұл жүргізушіге салынады. Ал, жүргізушілер біз жолға қараймыз ба әлде жолаушыға қараймыз ба деп өз наразылықтарын білдіруде. Бұдан бөлек, аптап ыстықта медициналық маска және қолғап киіп жұмыс істеу өте ауыр екенін айтады. Айлығы шайлығынан аспайтын жүргізушілер, жолаушылар үшін айыппұл төлейтін артық ақшамыз жоқ деп, жұмыстан амалсыз кетуде.

65 жастан асқан депутаттар мәжілістің жалпы отырысына қатысқан жоқ

Халық қалаулыларының барлығы жұмысқа маска киіп келді. 

26 Наурыз 2020 10:59 334

Өткен аптадағы мәжіліс отырысында депуттардың бірлі-жарымын ғана  маскамен көрсек, бүгін басым бөлігінің бет-ауызын тұмшалап алғанын аңғардық. 

Жиынға қатысушылардың отырғызылу тәртібіне өзгеріс енгізіліпті. Бұл туралы мәжіліс төрағасы Нұрлан Нығматулин: «Өздеріңіз көріп отырғандай, Дүниежүзілік денсаулық сақтау ұйымының санитарлық нормаларына байланысты бүгін сіздер бизнес-санаттағыдай бір-бірлеріңізден алшақ орналастырылдыңыздар», – деді.

Мәжіліс төрағасы жалпы отырысқа депутаттар неге толық құраммен қатыспағанын түсіндірді. 

«Дүниежүзілік денсаулық сақтау ұйымының ұсынысына сәйкес, біз кейбір, оның ішінде 65 жастан асқан депутаттарға мәжілістің жалпы отырысына қатыспауға, үйде болуға рұқсат бердік. Алаңдамаңыздар, барлығы аман», – деді Нұрлан Нығматулин.

Сөз арасында ол бұдан бұрын мәжілістің жалпы отырыстарын өткізу тәртібіне өзгеріс енгізілгенін еске салды. 

«Жалпы отырысқа депутаттар мен негізгі баяндамашылар ғана қатысып жүр. Басқа мүдделі органдардың, қоғамдық, үкіметтік емес ұйымдардың өкілдері шақырылып жатқан жоқ», –деді мәжіліс төрағасы.

Қанат Махамбет 

Нұр-Сұлтан қаласына қосымша 300 мыңнан астам бетперде әкелінді

Өткен аптада қала дәріханаларына 450 мың медициналық бетперде жеткізілген болатын. 

23 Наурыз 2020 12:36 526

Мемлекет басшысы Қасым-Жомарт Тоқаевтың тапсырмасын орындау аясында 23 наурыз күні астанаға қосымша 300 мыңнан астам медициналық бетперде әкелінді, деп хабарлайды елорда әкімдігінің  ресми сайты.

Елбасы Нұрсұлтан Назарбаевтың тапсырмасымен Тұңғыш Президенті қоры Нұр-Сұлтан қаласының Қоғамдық денсаулық сақтау басқармасына 50 мың медициналық бетперде жіберді.

Қала әкімдігі «СҚ-Фармация» компаниясымен бірлесе бетперде мен антисептиктерді жеткізу бойынша мәселені дистрибьюторлармен  ұзақ мерзімді негізде жолға қойды. Құны 56 теңгеге бекітілген бетперделерді келесі мекенжайлардағы дәріханалардан алуға болады: «Хан Шатыр», «Азия парк»  СОО, «Мәскеу» БО, «Хайвилл», «Нұрсая», «13 магистраль», «7Я»,  «Лазурный квартал»,  «Променад Экспо» ТК, №10 емхана,  «Аружан» СОО, «Экспо Плаза» ТК, «Триумфальная арка» ТК, Бараева, Сармат-1, Достар-3, Империал, Иманбаева 8, №6 емхана, «7 континент» ТК, «Визит» ТК, «Қайнар» БО, Тұран 55, Магнум (Алаш ш 23/1) және т.б.

Өткен аптада қала дәріханаларына 450 мың медициналық бетперде жеткізілген болатын.

Естеріңізге сала кетейік, дәріханаларда бір адамға 5 маскадан артық берілмейді. Медицина, полиция, әлеуметтік және қала тіршілігін қамтамасыз етуші нысандардың қызметкерлері медициналық бетпердемен, антисептиктермен және басқа да қорғаныс құралдарымен қамтамасыз етілген.