Әлеуметтік желілерде Көкшетауда болған жол-көлік оқиғасының видеосы тарады. Бейнежазбада аула аумағына кірген көліктің жаяу жүргіншіні қағып кеткені көрінеді. Оқиғадан кейін көліктен жүргізуші мен жолаушылар шығып, зардап шеккен әйелге қарай жүгірген.
Ақмола облысы полиция департаментінің мәліметінше, аталған жол-көлік оқиғасына байланысты қылмыстық іс тіркелді. Ведомство өкілдерінің хабарлауынша, қазіргі уақытта оқиғаның барлық мән-жайын анықтауға бағытталған тергеу амалдары жүргізілуде.
Қазір жүргізуші ұсталып, уақытша ұстау изоляторына қамалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
