"Қазақстандық бітімгершілік контингентінің бейбітшілікті қолдау жөніндегі операцияға қатысуын кеңейту туралы мәселені пысықтау міндетін қойдым", – деп жазды Қорғаныс министрі Нұрлан Ермекбаев дүйсенбі күні твиттерде.
"Ол еліміздің халықаралық беделін арттыруға ықпал етіп, әскери қызметшілер әскерді даярлау барысында оларды қолдануда тәжірибе жинайды", – деп атап өтті министр.
Өткен аптада Қазақстан Президенті Қасым-Жомарт Тоқаев Қорғаныс министрлігіне елдің Қарулы Күштерінің БҰҰ-ның бітімгершілік операцияларына қатысуын 2021 жылдың 1 тамызына дейін кеңейту үшін "жол картасын" әзірлеуді тапсырған болатын.
Биылғы жылдың қазан айында Қазақстан бітімгершілік миссиялары шеңберінде орындалатын міндеттер ауқымын кеңейту мақсатында БҰҰ-ға саперлердің, әскери дәрігерлердің, барлау және әскери полицияның арнайы жасақтарын жіберу туралы өтініш жасады.
