/img/tv1.svg
RU KZ
РТС 1 099,76 FTSE 100 5 704,45
KASE 2 214,78 DOW J 22 658,48
Hang Seng 24 094,93 Алтын 1 682,10
Коронавирус: мұнай бағасы соңғы үш айдағы ең төменгі көрсеткішке жетті

Коронавирус: мұнай бағасы соңғы үш айдағы ең төменгі көрсеткішке жетті

Brent сұрыпты мұнайдың баррелі 0,2%-ға арзандап, 59,23  доллар болды. 

28 Қаңтар 2020 14:21 230

Коронавирус: мұнай бағасы соңғы үш айдағы ең төменгі көрсеткішке жетті

Қазан айының ортасында арзандауын тоқтатқан шикізат құны қаңтардың басынан бері тұрақсыздық танытуда. Бұған Қытайдағы жаңа коронавирустың кең етек жаюы себеп болып отыр. Қазір вирус ошағы табылған аудандарда карантин жарияланып, ірі корпорациялар жұмысын уақытша тоқтатып жатыр. 
Ірі мұнай экспорттаушысы саналатын Сауд Арабиясы 27 қаңтарда Қытайдағы ахуалды назарда ұстап отырғанын, бірақ эпидемияның әлемдік мұнай сұранысына айтарлықтай кесірін тигізбейтінін алға тартты. 
Bloomberg агенттігінің соңғы дерегі бойынша, Лондондағы ICE Futures биржасында 2020 жылдың наурызындағы жеткізіліммен Brent сұрыпты мұнайдың баррелі 0,2%-ға арзандап, 59,23  доллар болды.  
Ал Лондон және Нью-Йорк биржаларында ақпандағы жеткізіліммен, электрондық сауда барысында WTI маркалы жеңіл мұнай фьючерстері  53.13доллар болды.

OANDA бас аналитигі Джеффри Холлидің пікірінше, Қытайдағы жағдай ушықса, West Texas Intermediate сұрыпты мұнай баррелі 47-50 долларға дейін, ал Brent сұрыпты мұнай баррелі 55 долларға дейін арзандауы мүмкін. 

«Егер халықтың сауда орталықтарына баруы сиреп, жарық көзі мен жанармайды тұтыну көлемі азайып,зауыттардың жұмысы іркілсе, салдарынан аймақтың экономикасы зардап шегеді», - деді Холли. 

Табиғат Нұрболат

inbusiness.kz-ті қараңыз, оқыңыз :

Google қызметкерлерін үйден жұмыс істеуге шақырды

Бұған дейін Twitter компаниясы  да жұмысшыларына дәл осындай кеңес берген болатын. 

11 Наурыз 2020 12:32 105

Google қызметкерлерін үйден жұмыс істеуге шақырды

Google компаниясы Солтүстік Америкадағы қызметкерлеріне офиске келмей-ақ жұмыс істеуге рұқсат берді. Америкалық алпауыт корпорация коронавирус эпидемиясына байланысты осындай шешім қабылдап, індетті жұқтырмаудың алдын алып жатыр.   

«Солтүстік Америкадағы офистердің барлығына да қазір үйден шықпай жұмыс істеуге кеңес берілді. Біздің мақсатымыз – офисте жұмыс істейтін адамдардың ауруға шалдығуын болдырмау. Сарапшылардың ойынша, мұндай сақтық шарасы індетті ауыздықтауға айтарлықтай көмегін тигізбек», – дейді компания өкілі. 

Ресми дерекке сүйенсек, компанияның Солтүстік Америкадағы офистерінде кемінде 100 мыңнан астам жұмыс істейді екен. Бұған дейін Twitter компаниясы да жұмысшыларына дәл осындай кеңес берген болатын. 

Еске сала кетсек, 2019 жылдың 31 желтоқсанында Қытай билігі Дүниежүзілік денсаулық сақтау ұйымына Ухань (Хубей провинциясы ) қаласында белгісіз пневмония эпидемиясының өршіп бара жатқан хабарлап, дабыл қаққан еді. Көп ұзамай мамандар аурудың қоздырғышы жаңа коронавирус екенін анықтап, оған Covid-19 деген атау берді. Ал қаңтар айының соңына қарай ДДҰ эпидемияны халықаралық деңгейдегі төтенше жағдай деп таныды. 

Табиғат Нұрболат

Коронавирус кесірінен АҚШ пен Қытай арасындағы келіссөздер іркіледі

COVID-19 деп аталатын жаңа коронавирус эпидемиясы мен оның салдарынан туындаған экономикалық тұрақсыздық. 

10 Наурыз 2020 17:42 105

Коронавирус кесірінен АҚШ пен Қытай арасындағы келіссөздер іркіледі

Вашингтон пен Бейжің арасындағы сауда келісімі міндеттемелерінің іске асуына кедергі келтіруі мүмкін. Бұл туралы The Wall Street Journal басылымы хабарлады. Еске сала кетейік, 15 қаңтарда тараптар сауда келісімінің бірінші кезеңіне қатысты құжаттарға қол қойған болатын. Осы құжат бойынша Қытай алдағы екі жылда 200 млрд доллар тұратын америкалық тауарды сатып алуы тиіс еді. Бірақ вирустың таралуы Қытайдағы сұраныс пен саудаға кері әсерін тигізіп жатыр. Кей сарапшылардың ойынша, Қытай өз міндеттемелерін орындай алмай қалуы мүмкін. 

Құжатта апат не басқа да бақылауға көнбейтін жайттар орын алған кезде міндеттемелердің орындалуын кейінге шегеруге рұқсат берілгені жазылған екен.Дегенмен АҚШ-тың сауда өкілі Роберт Лайтхайзер мұндай жағдайды қытайлықтармен  талқыламағанын басып айтып, Бейжің шарттарды келісім бойынша орындайтынынан үміт білдірді. 
Ескере кететін жайт, ақпан айында Ақ үй басшысы Дональд Трамп пен Си Цзиньпин сауда келісімінің бірінші кезеңі міндеттемелерінің орындалуына қатысты ортақ ымыраға келген болатын. 

Табиғат Нұрболат
 

Жаңалықтарға жазылу: