Коронавирустың 2 мыңнан аса ошағы бар – Сархат Бейсенова

Коронавирустың 2 мыңнан аса ошағы бар – Сархат Бейсенова

29 Сәуір 2021 13:11 358

Коронавирустың 2 мыңнан аса ошағы бар – Сархат Бейсенова

Фото: inbusiness.kz

Нұр-Сұлтан қаласының бас санитар дәрігері Сархат Бейсенова елордада індеттің 2 мыңнан аса ошағы барын айтты, деп хабарлайды inbusiness.kz тілшісі.

Ол қалада індеттің 2 553 ошағы анықталғанын жеткізді. 

«Оның 1 724-і үйде, ұйымдар арасында – 829. Коронавирус жұқтырған адамдармен байланыста болған 5 572 адам медициналық бақылауға алынды», - деді Сархат Бейсенова елорда әкімдігінде өткен баспасөз мәслихатында.

Оның айтуынша, СОVID-19 вирусын жұқтырғандар арасында жасөспірімдер үлесі артқан.

«Барлық топ арасында ауру жұқтыру дерегінің өскені байқалады. Әсіресе, жасөспірімдер мен ересектер арасында ауру жұқтыру көрсеткіші 2 еседен асты. Сырқаттанушылықтың ең жоғары деңгейі ересектер арасында – 79,7%, балалар арасында сырқаттанушылық деңгейі – 17,4%, жасөспірімдер арасында – 2,9%. 
Ауру жұқтырғандардың 28,9%-ы – 30-39 жастағы науқастар, ал 20,5%-ы – 18-29 жаста», - деді Нұр-Сұлтан қаласының бас санитар дәрігері.

Сонымен қатар ол қала тұрғындарына коронавирусқа қарсы екпе алуға кеңес берді.

«COVID-19 вирусын жеңу үшін еліміз бойынша тұрғындарға жаппай вакцина салынып жатыр. Бұл ұжымдық иммунитетті қалыптастырып, қалыпты өмірге оралуға мүмкіндік береді» - деді Сархат Бейсенова.

Айта кетейік, осыған дейін Нұр-Сұлтан қаласының бас санитар дәрігері елордада неге індет өршіп кеткенін түсіндірген еді.

Дәурен Ерболат

Ұқсас материалдар:

til-barlygyn-biriktirip-otyr-nursultan-nazarbaev

elimizde-aleumettik-kyzmetke-37-mynnan-astam-adam-muktazh

elordada-kunine-300-600-adam-koronavirus-zhuktyryp-zhatyr

almatyda-indet-belgileri-bar-naukastar-sany-85-ga-zhetti

kos-azamattyk-aluga-zhol-berilmejdi

загрузка

×