Бүгін Кунашак ауданы аумағында Екатеринбург жолының 85-ші шақырымында автобус аударылды.
Қостанай-Екатеринбург бағытындағы автобуста 22 жолаушысы болған. Бұл туралы Челябі облыстық ІІМ мемлекеттік басқармасынан хабарлады, деп жазады inbusiness.kz.
Апат кезінде қар жауып жатқан кезде болған. Жүргізуші көлік руліне ие болмай, автобус жолдың оң жағындағы жыраға түсіп кеткен.
Апат салдарынан 13 жолаушыға медициналық көмек көрсетілген. Жолаушылардың бірінің жағдайы ауыр. Тағы жеті адам орта дәрежеде жарақаттанған. Олар Челябинск, Кунашак және Кастлин аудандарының медициналық мекемелеріне жеткізілді.
"Автобуста Қостанайдан Екатеринбургке вахталық әдіспен жұмыс істеуге бара жатқан 22 жолаушы болды",- деді өңірлік полиция басшысы.
Автобус рулінде 38 жастағы Екатеринбург тұрғыны болған. Ол 12 жылдан бері жүргізуші болып жұмыс істейді және бұған дейін жол ережесін бұзғаны үшін әкімшілік жауапкершілікке тартылмаған.
