Қостанай облысында көлік басқару құқығы жоқ және жалған нөмірді пайдаланған жүргізуші ұсталды.
ВАЗ 2114 жеңіл автокөліктің жүргізушісі қыркүйек айында 15 рет “Автоураган” жүйесімен тіркелген. Сонымен қатар азамат 20 қыркүйекте Рудный қаласының басты көшесімен сағатына 100 шақырым жылдамдықпен жүрген, ал 10 қазан сағатына 117 шақырым жылдамдықпен сол жерде жүрді.
Полиция қызметкерлері мемлекеттік нөмірлік белгі бұрын осы жылдың наурыз айында есептен шығарылған ВАЗ 21099 автокөлігінде болғанын анықтады. Іздестіру іс-шаралары барысында “Қорғау” жүйесін пайдалана отырып, 11 қазанда Рудный қаласында полицейлер жергілікті 20 жастағы тұрғынды анықтап, ұстады.
"Автокөлікті тексеру кезінде полиция қызметкерлері Ресейдің мемлекеттік нөмірін және жалған қазақстандық нөмір тәркіледі. Сонымен қатар жүргізуші ешқашан көлік құралын басқаруға құқылы емес еді", – деп атап өтті ПД.
Қауіпті жүргізуші әкімшілік кодекстің екі бабы бойынша жауапкершілікке тартылды. ҚР ӘҚБтК-нің 590-бабы (Көлiк құралдарын пайдалану қағидаларын бұзу) және ҚР ӘҚБтК-нің 612-бабы (Құжаттары жоқ және басқару құқығы жоқ адамның көлiк құралын басқаруы) үшін сот шешімімен 5 тәулікке қамауға алынды. Құқық бұзушы жылдамдықты асырғаны үшін 600 мың теңгеден астам айыппұл төлеу қажет.
"Бұл жалған нөмірлерді қолданатын жүргізушілерді ұстаудың бірінші жағдайы емес. Қазіргі таңда құқық бұзушылармен күресуге ІІО жұмысына енгізілетін цифрлық технологияларды пайдалану көмектеседі", – деп атап өтті Қостанай облысы ПД бастығының бірінші орынбасары Алексей Милюк.
