Әрбір елді мекенде (Аманқарағай, Лесное, Озерное, Бағаналы және Калинино ауылдары ауданында) қарауылдау ұйымдастырылды, деп хабарлады ТЖМ баспасөз қызметі.
"Жеңіл жауынның арқасында ауа ылғалдығы күшейді. Сағат 7:30 бастап өрт аумағына ұшу жұмыстары жүргізілуде", – деп жазылған хабарламада.
Айта кетсек, өрттен барлығы 91 тұрғын үй зардап шеккен: 85 Аманқарағай ауылында және 6 Озерный ауылында.
Өртті сөндіруге құрамында 224 бірлік техника, 6 әуе кемесі, 5 өрт сөндіру пойызы, жеке құрамның 2193 адамы бар ТЖМ, ІІМ, ҰҰ, Қорғанысмині, ЖАО және облыстың коммуналдық қызметтерінің күштері мен құралдары жұмылдырылған.
11 адам (халықтың 6 адамы, оның ішінде бір кәмелетке толмаған адам, орман шаруашылығының 1 қызметкері, әкімдіктің 1 қызметкері, ТЖМ 3 қызметкері) жеңіл және орташа ауырлықтағы жарақат, күйік, улану алды, 1935 жылы туған бір адам қаза тапты.
Зардап шеккендерге гуманитарлық көмектер жеткізіліп жатыр. Сондай-ақ қаржылай да көмек жиналуда. Өңірге Мемлекет басшысы барып, зардап шеккендермен кездесті, тікұшақпен өрт аумағын бақылады.
