Қостанайда медицина қызметкеріне қоқан-лоқы көрсету фактісі бойынша қылмыстық іс қозғалды, деп хабарлайды inbusiness.kz сайты.
Бұл туралы полиция мәлім етті. Қазіргі уақытта қажетті тергеу әрекеттері жүргізіліп жатыр. Тергеу нәтижесі бойынша процессуалдық шешім қабылданады.
Сонымен қатар медицина қызметкерін қорлаған азамат қолданыстағы заңнамаға сәйкес әкімшілік жауапкершілікке тартылды.
Полицияның түсіндіруінше, қоқан-лоқы көрсету мен қорлау – құқықтық тұрғыдан екі түрлі құқық бұзушылық. Әлеуметтік желіде тараған бейнежазбада адамның ар-намысына тиетін қорлау белгілерімен қатар, қоқан-лоқы жасау белгілері де байқалған. Осыған байланысты әр дерекке жеке құқықтық баға берілген.
Бұған дейін сот медицина қызметкерін қызметтік міндетін атқарып жүрген кезінде қорлаған ер адамға әкімшілік айыппұл салған болатын.
