Оның ішінде кәсіпкерлік субъектілеріне берілген несиелер – 5,2%-ға, 8,9 трлн теңгеге дейін, ШОБ субъектілеріне – 6,8%-ға немесе 5,6 трлн теңгеге өсті.
Жалпы алғанда, кез келген мемлекетте экономиканы несиелендіру екі негізгі арнадан өтеді: бизнесті несиелендіру кәсіп құруға және кеңейтуге, өндіріс қуаттылығын арттыруға және айналым қаражатын толықтыруға мүмкіндік береді, халыққа берілетін несиелер тауарлар мен қызметтерге тұтынушылық сұранысты ынталандырады. Халық тауарлар мен қызметтерді сатып алады, бұл бизнеске табыс әкеледі және бөлшек сауда айналымын арттырады.
Екі жағдайда да экономикалық өсім ынталандырылады. Мұндай экономикалық өсу мен қуатты экономиканың ең танымал мысалы АҚШ.
Сонымен қатар, Қазақстанда жалпы алғанда несие беру деңгейі төмен деп есептеледі. Мәселен, 2020 жылғы деректер бойынша өнеркәсіп өндірісі жоғары елдерде несиелердің жалпы деңгейі елдің ЖІӨ-нен айтарлықтай асып кеткенін атап өткен жөн. Дүние жүзіндегі дамыған он елдің экономикасы бойынша халық пен бизнеске берілетін несиелер портфелі Даниядағы ЖІӨ-нің 112% және 51%, Қытайдағы ЖІӨ 62% және 121% дейін ауытқиды.
Қазақстанда бұл арақатынас тиісінше 10% және 16% ғана, бұл экономикаға қарыздың жеткіліксіздігін көрсетеді.
Қазақстан бұл көрсеткіш бойынша рейтингте 155 елдің ішінде тек 119-шы орында. Бұл экономиканың қажеттіліктеріне сәйкес несиелік белсенділіктің өсуі әлеуетін көрсетеді.
