Қытай алғаш рет Еуроодақтың ең ірі сауда серіктесіне айналды, деп хабарлайды Inbusiness.kz порталы Еурокомиссияның статистикалық агенттігіне сілтеме жасап. Бұған дейін бірінші позицияда ЕО-ның тарихи одақтасы АҚШ тұрған еді.
"2020 жылы Қытай ЕО-ның басты сауда серіктесі болды", – деп жазылған агенттіктің мәлімдемесінде.
Өткен жылы ЕО-ның Қытайдан келген импорты 5,6%-ға артып, 383,5 млрд еуроға жеткен. Қытайға бағытталған экспорт көлемі 2,2%-ға өсіп, 202,5 млрд еуро болды. Ал АҚШ-тың ЕО-ға импорты 13,2%-ға кеміп, 202 млрд еуроға дейін төмендесе, одақтан Құрама Штаттарға бағытталған экспорты 8,2%-ға қысқарып, 353 млрд еуроға дейін азайды.
Сарапшылардың айтуынша, сауда динамикасының өзгеруіне пандемиямен қатар Британияның ЕО-дан (Brexit) шығуы әсер еткен. Ресми Лондон одақтан 2020 жылдың басында ресми түрде кеткен еді.
Табиғат Нұрболат
Фото: euobserver.com
