Баннер втб
RU KZ
Қызылорда облысының экс-әкімі үй қамаққа алынды

Қызылорда облысының экс-әкімі үй қамаққа алынды

30 Наурыз 2020 11:44 942

Қызылорда облысының экс-әкімі үй қамаққа алынды
Шенеунікке қатысты Қылмыстық кодекстің 190-бабының 4-бөлімінің 2-пункті бойынша (аса ірі көлемде қаражат ұрлау) іс қозғалып отыр. 

Қызылорда облысының экс-әкімі Қуанышбек Ысқақов үй қамақта отыр. Бұл туралы облыстық сотқа сілтемемен Интерфакс-Қазақстан хабарлайды. 

28 наурыз күні елімізде алғаш рет өңірге әйел адам әкім болып тағайындалды. Гүлшара Әбдіқалықованың Қызылорданы басқаруға барғанынан бұрын, жұртты экс-әкімнің жұмбақ күйде орнын босатқаны таңқалдырды. Оның ұсталғандығы туралы айтыла бастады.

Қызылорда облыстық сотының бүгін берген мәлімдемесі бойынша, 28 наурызда сыбайлас жемқорлыққа қарсы агенттік Қызылорданың мамандандырылған тергеу сотына Ысқақовты үй қамауына алу туралы өтініш жіберген болатын. Шенеунікке Қылмыстық кодекстің 190-бабының 4-бөлімінің 2-пункті бойынша (аса ірі көлемде қаражат ұрлау) іс қозғалып отыр. 

Экс-әкім 26 наурыздан бастап 26 мамырға дейін үй қамақта болады.