Қызылордада бейнекамералардың көмегімен жол ережесін бұзған екі мас жүргізуші анықталды, деп жазады inbusiness.kz Polisia.kz сайтына сілтеме жасап.
Ақпаратқа сәйкес, оқиға 22 мамыр күні болған.
"Көлік басқару кезінде қауіпсіздік белдігін тақпаған екі көліктің жүргізушісі қалада орналасқан бейнекамераға түскен. Олар патрульдік полиция қызметкерлерімен тоқтатылды. Тексеру барысында жол ережелерін бұзған жүргізушілердің алкогольдік масаң күйде көлік тізгіндегені анықталып отыр", - делінген хабарламада.
Екі тұрғынға қатысты ҚР ӘҚБтК-нің 608-бабы мен 593-бабы бойынша хаттама рәсімделіп, әкімшілік қамауға алынды.
Көліктер арнайы тұраққа қойылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
