Қызылордада мектептің маңында екі қоғамдық көлік соқтығысып, 3 жолаушы зардап шекті, деп хабарлайды inbusiness.kz polisia.kz сайтына сілтеме жасап.
Полиция қызметкерлерінің мәліметінше, бүгін сағат 08:00-де Қызылорда қаласындағы сол жағалауда орналасқан Orda School мектебінің жанында Yutong үлгісіндегі 2 қоғамдық көлік соқтығысып қалды. Салдарынан 3 жолаушы ауруханаға барып қаралған.
Жол-көлік оқиғасының орны рәсімделіп, тиісті құжаттар жинақталып, сараптамалар тағайындалды.
Еске сала кетсек, бүгін таңертең Алматыда да екі автобус соқтығысып, жол апатынан 5 адам зардап шеккен болатын. Оның ішінде - үш адам бас жарақаты, желке аймағының жұмсақ тіндерінің соғылуы диагнозымен Алматы көпсалалы клиникалық ауруханасына, екеуі Орталық қалалық клиникалық ауруханаға жеткізілді.
Екі науқас тексеруден кейін амбулаторлық бақылауға жіберілді.
