Қызылорданың Арал ауданында қуаңшылық салдарынан 559 бас мал шығын болды

917

Ауыл шаруашылығы министрінің міндетін атқарушы Ербол Қарашөкеев екі күндік іссапармен Қызылорда облысында жүр. Құрғақшылықтан зардап шеккен Арал ауданының ауылдарын аралап, жергілікті халықпен кездесті, деп хабарлайды  inbusiness.kz министрліктің баспасөз қызметіне сілтеме жасап.

Қызылорданың Арал ауданында қуаңшылық салдарынан 559 бас мал шығын болды

"Өздеріңіз білесіздер, Арал ауданының шаруалары биыл құрғақшылықтан қатты зардап шекті. Біздің қолға тиген дерек бойынша, 559 бас мал шығын болған. Осыдан кейін аудан әкімдігінің төтенше жағдай жариялауына тура келді. Қазір мәселе ретімен шешіліп келеді. Облыстың бес ауданынан және Ақтөбе облысының Ырғыз ауданынан мал азығы жеткізілетін болды. Ол үшін келісім жасалды. Мен жергілікті билікке осы мүмкіндікті пайдаланып, тез арада мал азығы қорын жинап алуды тапсырдым. Бүгінгі таңда Қызылорда облысы әкімдігінің резервінен 250 млн теңге бөлінді, оның 49,5 млн теңгесі шөп таситын көлік шығынын көтеруге жұмсалады", - деп түйді шаруашылық басшыларымен кездескен Е.Қарашөкеев.

Бұл жағдай министрліктің тұрақты бақылауында болатынын айтты

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу