Ақтауда әрқайсысы 1200 орындық екі мектеп салынады. Бұған дейін 19 А және 18 шағын аудандардағы мектептердің құрылысы материалдар бағасының өсуіне байланысты тоқтап қалған болатын.
"18 шағын аудандағы мектептің бастапқы құны - 3 849 763 теңге, 19а шағын аудандағы мектеп 3 708 206 теңгеге бағаланды. Түзетулер бойынша 590 921 теңге деп белгіленді. Ал Қызылтөбе ауылындағы 1200 орындық мектептің бастапқы құны-3 271 257 теңге, Басқұдық ауылдық округінің Алау тұрғын үй массивіндегі 1200 орындық мектеп шығыны 3 795 872 теңге. Бұл сомалар 5 248 926 теңгеге түзетілді. Бұл нысандардың барлығы аяқталу сатысында тұр. Бірақ 2023 жылдың сәуір айында Ақтауда екі мектептің құрылысы тоқтатылғаны белгілі болды. Бұл жағдай құрылыс материалдарының қымбаттауына байланысты",- дейді Маңғыстау облысының құрылыс, сәулет және қала құрылысы басқармасы басшысының орынбасары Махмұд Қалжанов.
Айта кетейік, Президенті Қасым-Жомарт Тоқаев 2022 жылғы 1 қыркүйектегі Жолдауында мектеп құрылысына сыбайлас жемқорлықтан алынған ақшаны жіберуді тапсырған болатын.
Еске салайық, бұған дейін Жемқор шенеуніктерден тәркіленген ақшаға салынатын мектептердің тізімі жарияланғанын жазған болатынбыз.
