Бейнеу-Ақтау тас жолының 328 шақырымында екі көлік құралы жол апатына ұшырады. Nissan Qashqai автокөлігінің жүргізушісі қарсы бағытқа шығып, ВАЗ-2114 көлігімен соқтығысты.
Нәтижесінде алған жарақаттарынан оқиға орнында ВАЗ-2114 автокөлігінің жүргізушісі және 4 жасар бала көз жұмды.
Сондай-ақ, зардап шеккен 9 адам аудандық ауруханаға жеткізілген. Олардың 6-ы медициналық көмек көрсетілгеннен кейін үйлеріне жіберілді.
Аталған дерек бойынша ҚР ҚК 345-бабының 4-бөлігімен абайсызда екі адамның өліміне әкеп соққан, көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы бойынша сотқа дейінгі тергеу басталды.
Тасым Жаңай
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
