Бұл туралы Ресей гидрометеорологиялық орталығының сайтында хабарланды, деп жазады Inbusiness.kz.
Қалың қар туралы ескерту 3 қаңтар, сағат 12.00-ге дейін жасалды. Сонымен қатар, 4 қаңтарда сағат 22.00-ге дейін билік Мәскеу тұрғындарын жолдардағы көктайғақтан сақ болуға шақырады.
"Қолайсыз ауа-райына байланысты көшеде өте мұқият әрі сақ болуларыңызды, ағаштардың астында тұрмай және олардың жанына көліктерді қоймауды сұраймыз. Автокөлікті басқару кезінде жылдамдық режимі мен қашықтықты қатаң сақтау керек", - делінген Мәскеу қалалық әкімдігінің қалалық шаруашылық кешенінің телеграм-каналында.
Сонымен қатар "Фобос" ауа-райы орталығының жетекші маманы Михаил Леус 2 қаңтарға қараған түні Мәскеудегі тіркелген температура 2007 жылғы рекордты жаңартқанын хабарлады.
Бір күн бұрын, 2 қаңтарда мәскеуліктерге қатты жел мен ылғалды қар туралы ескертілді. Сонымен қатар, қалада көктайғақ күтілуде, осыған байланысты ТЖМ жүргізушілерге қозғалыс жылдамдығын арттырмай, көлікті ашық жерде қоюға кеңес береді.
