Сенат төрағасы Мәулен Әшімбаев Солтүстік Қазақстан облысындағы демографиялық жағдайға алаңдаушылық білдірді, деп хабарлайды inbusiness.kz сайты.
Оның айтуынша, Солтүстік Қазақстанда халықтың көшіп кетуі тоқтамай тұр.
"Сәйкесінше, тұрғындар саны азайып жатыр. Оның табиғи факторы да. Одан бөлек, жастардың кейбір көрші елдерге көшіп кетуі бар. Бірінші оқуға түседі, кейін сол жаққа жұмысқа шақырады. Шығыс Қазақстан, Павлодар облыстарында да осыған ұқсас тенденция бар деп ойлаймын. Көп ел жас мамандарды өзіне тартуға мүдделі. Өз мамандарымызды өзімізде қалдыру негізгі міндет болуы керек", - деді Сенат спикері.
Мәулен Әшімбаев оңтүстіктен солтүстікке бағытталған еңбек миграциясын қолдаудың тетіктерін қайта қарау қажеттігін жеткізді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
