/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Мемлекет басшысы көктемгі егіс жұмыстарымен танысты

Мемлекет басшысы көктемгі егіс жұмыстарымен танысты

Қасым-Жомарт Тоқаев Ақмола облысына сапары барысында «Ең-Дала» жауапкершілігі шектеулі серіктестігінің ауыл шаруашылығы алқабын аралап көрді.

29 Мамыр 2020 16:31 155

Мемлекет басшысы көктемгі егіс жұмыстарымен танысты

Фото: akorda.kz

Қазақстан Президентіне агроөнеркәсіптің техникалық жабдықталуы мен өнімді арттыруға бейімделген жер өңдеу технологиялары, сондай-ақ, А.Бараев атындағы астық шаруашылығы ғылыми-өндірістік орталығы әзірлеген элиталық тұқымды пайдалану жөнінде мәлімет берілді, деп хабарлайды Ақорданың баспасөз қызметі.

Ақмола облысының әкімі Ермек Маржықпаев Мемлекет басшысына аймақтағы агроөнеркәсіп кешені, егін және мал шаруашылығын дамыту жоспары, сондай-ақ, елорда тұрғындарын азық-түлікпен қамтамасыз ету жұмыстары туралы баяндады.

Ауыл шаруашылығы министрі Сапархан Омаров Қасым-Жомарт Тоқаевқа еліміздегі көктемгі егіс жұмыстарының барысы және отандық ауыл шаруашылығы өнімін өндірушілерді қолдау мақсатында қаржы бөлу жөніндегі тапсырмалардың орындалуы жайында есеп берді.

Қазақстан Президенті мемлекет тарапынан аграрлық секторды дамытуға баса мән беріліп отырғанын атап өтіп, ауыл шаруашылығына арналған жерлерді тиімді пайдаланудың маңыздылығын айтты.

Қазақстан Президенті «Astana Ceramic» ЖШС-ға барды

Ермек Маржықпаев Президентке Жұмыспен қамту жол картасының жүзеге асырылуы жайында баяндады.

29 Мамыр 2020 17:04 280

Қазақстан Президенті «Astana Ceramic» ЖШС-ға барды

Фото: akorda.kz

Қасым-Жомарт Тоқаев Ақмола облысына жұмыс сапары барысында керамикалық тас пен кірпіш өндіретін «Astana Ceramic» жауапкершілігі шектеулі серіктестігінің жұмысымен танысты, деп хабарлайды Ақорданың баспасөз қызметі. 

Президентке аталған жобаға мемлекет тарапынан көрсетіліп жатқан қолдау шаралары туралы айтылып, құрылыс материалдарын өндіру технологиясы таныстырылды.

Ақмола облысының әкімі Ермек Маржықпаев Қасым-Жомарт Тоқаевқа өңірдегі құрылыс индустриясының дамуы және Жұмыспен қамту жол картасының жүзеге асырылуы жайында баяндады.

Мемлекет басшысы аймақтағы құрылысты сапалы салудың, барлық инфрақұрылымдық жобалар мен әлеуметтік маңызы бар нысандарды жөндеу жұмыстарының маңыздылығын атап өтті.

Ақмола облысындағы елдімекендерге 88 дәрігер қажет

Облыстық денсаулық сақтау басқармасы басшыларының сөзінше, биыл аймақтың ауылдық жерлеріне қызмет етуге 33 жас маман келген. 

17 Қараша 2019 22:31 440

Ақмола облысындағы елдімекендерге 88 дәрігер қажет

Ақмола облысында ауылдық жерлерге жұмыс істеуге барған жас дәрігерлерге 1 млн теңгеден қаржылай көмек көрсетіледі, деп хабарлайды 24.kz.

Мұндай қолдауды жергілікті билік кадр тапшылығын жойып, мамандардың тұрақтап қалуы үшін жасап отыр. Себебі, аймақта қазір 400-ге жуық дәрігер жетіспейді.

Жергілікті әкімдіктен 1 млн теңге қаржылай көмек алған маман «Дипломмен – ауылға» бағдарламасының қатысушысы секілді сол елдімекенде 3 жыл жұмыс істеуге тиіс.

«Аудан әкімдеріне, қала әкімдеріне және облыс әкімінің тапсырмасы бойынша мүмкіндігіне орай әрбір Ақмола облысына келген дәрігерді баспанамен қамтамасыз ету тапсырылды. Одан басқа медициналық ұйымдардың есебінен жағдайлары келгенше жәрдемақы беріледі»,– дейді облыстық денсаулық сақтау басқармасы басшысының орынбасары Әсел Қалдыбаева.

Облыстық денсаулық сақтау басқармасы басшыларының сөзінше, биыл аймақтың ауылдық жерлеріне қызмет етуге 33 жас маман келген. Міне, соларға жыл соңына дейін 1 млн теңгеден үлестірілмек. Ал елдімекендерге әлі де 88 дәрігер қажет.