"Әлеуметтік желілерде Қырғызстан аумағындағы "Ақ Тілек автожол" өткізу пунктінде (Қазақстандағы шектес өткізу пункті – "Қарасу") жүк көліктердің тұрып қалғаны туралы ақпарат тарады.
2021 жылғы 30 шілдедегі мәліметке сәйкес "Қарасу" өткізу пунктіндегі жүк көліктерінің саны – 50-80 бірлік. Жемістер мен көкөністердің піскенін ескерсек, бұл қалыпты жағдай болып саналады", - деп жазылған МКК таратқан хабарламада.
Ведомство қазақ-қырғыз шекарасындағы өткізу пункттері де, ақпараттық жүйелер де штаттық режимде жұмыс істеп тұрғанын атап өтті
"Бір тәулікте орта есеппен Қырғызстаннан Қазақстанға 300-350 жүк көлігі өтеді", - деп жазылған хабарламада.
Айта кетейік, осыған дейін қырғыз-қазақ шекарасында 120 жүк көлігі тоқтап тұрғаны хабарланған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
