Бұрынғы сүйіктісіне қол көтерді деп айыпталған Шәріп Серік қоғамда резонанс тудырған оқиғаға қатысты пікір білдірді, деп хабарлайды inbusiness.kz сайты.
Актер желідегі парақшасында бейнеүндеу жариялады.
"Мен зорлық-зомбылыққа қарсымын. Өкінішке қарай, сіздер менің Әлияны лифттен дөрекі түрде шығарғаным бейнеленген видеоны көрдіңіздер. Бұл видео арқылы өзімді ақтайын деп отырған жоқпын. Мен дөрекі қылық жасадым. Заңның барлық талабына сәйкес жазалануға дайынмын", - деді Шәріп Серік.
Ол болған жайт үшін кешірім сұрады.
"Көпшілігіңізге жанжал кезіндегі ашу-ыза сезімі таныс шығар. Мен сіздерден менің қателігімді қайталамай, қол көтермеулеріңізді сұраймын. Мен Әлияның бетінен тартып жібердім. Сол үшін одан және оның отбасынан, менің ісімнен зардап шеккен барлық адамнан кешірім сұраймын", - деді ол.
Айта кету керек, осыған дейін Шәріп Серіктің бұрынғы қызы танымал актерден зәбір көргенін айтқанын жазғанбыз.