Меркілік тұрғын үйінің шатырына 57 келі марихуана жасырған

639

Үйінің шатырына кептірілген марихуана жасырып келген Меркі ауданының тұрғыны ұсталып, қамауға алынды, деп хабарлайды inbusiness.kz тілшісі.  

Меркілік тұрғын үйінің шатырына 57 келі марихуана жасырған Фото: aikyn.kz

Күдіктінің тұрғылықты мекен-жайы бойынша жүргізілген тінту кезінде 10 қапшық марихуана табылды. Оның жалпы салмағы 57 келіден асады.

Жамбыл облыстық полиция департаменті есірткі қылмысына қарсы іс-қимыл басқармасының қызметкерлерінің мәліметінше, қамауға алынған 46 жастағы Меркі ауданының тұрғыны кінәсін толық мойындаған. Қазір ол уақытша ұстау изоляторында қамауда отыр.

ҚР Қылмыстық кодексінің 297-бабы 3-бөлігіне сай сотқа дейінгі тергеп-тексеру амалдары басталды. Күдіктінің кінәсі дәлелденсе, оның мүлкі тәркіленіп, 10 жылдан 15 жылға дейінгі мерзімге бас бостандығынан айырылуы мүмкін.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу