Төтенше жағдайлар министрі Шыңғыс Әрінов Мәжіліс кулуарында құтқарушылардың жалақысы 10%-ға өсетінін айтты, деп хабарлайды inbusiness.kz сайты.
Министрдің сөзінше, көмекші және жауынгерлік бөлімшелердің қызметкерлерінің айлығы көтеріледі.
"Біз жалақыны шамамен 10%-ға арттыруды жоспарлап отырмыз. Жауынгерлік бөлімшелер үшін жалақының артуы бұрын жүргізілген болатын, ал 2026 жылы біз бұл тәжірибені Ішкі істер министрлігі және басқа да құқық қорғау органдарымен бірге жалғастырамыз", – деді министр.
Бұдан бөлек биылдан бастап құтқарушылар тұрғын үй өтемақылары де беріледі.
"Егер заң қабылданса, біз өз қызметкерлерімізге (20 мың адамға жуық) тұрғын үй төлемдерін ұсына аламыз", – деді ТЖМ басшысы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
