Бұл туралы премьер-министрдің бірінші орынбасары Әлихан Смайылов айтты, деп хабарлайды inbusiness.kz тілшісі.
Оның пікірінше, кәсіпкерлерге банктік мобильді қосымшалар арқылы тұтынушылардан түсетін ақша аударымдарын фискализациялау мәселесін шешуге ерекше назар аудару керек. Осы орайда Әлихан Смайылов Қаржы министрлігіне тапсырма берді.
"Біз қолма-қол ақшасыз төлемдер жақсы қарқынмен дамып жатқанын көріп отырмыз. Оның көлемі екі таңбалы санмен өсіп жатыр. Сондай-ақ тиісті салықтарды төлеуге міндетті кәсіпкерлердің қызметіне салық салуды толық қамту міндеті тұр",– деді ол қаржы министрлігінің алқа отырысында.
Айта кетейік, осыған дейін Қаржы министрлігі шетелдік валютадағы бағалы қағаздарды "Астана" халықаралық қаржы орталығының (АХҚО) биржасында шығаруды жоспарлап отырғаны хабарланған еді.
Дәурен Ерболат
