Әлемде коронавирус індеті таралып, шикізатқа деген сұраныс азаяды деген күдік және АҚШ-та карантин шараларының енгізілуі мұнай бағасының төмендеуіне әкеліп соқты.
Brent сұрыпты мұнай баррелінің бағасы 0,29%-ға төмендеп, 44,21 доллар болды. WTI мұнайының желтоқсандық фьючерстерінің құны 0,57%-ға арзандап, қазір 41,58 долларға саудаланып жатыр.
Соңғы екі сессияда "қара алтын" бағасы шамамен 4%-ға қымбаттаған еді. Алайда Нью-Йорк қаласында шектеу шаралары енгізіледі деген ақпараттан кейін нарықта теріс динамика орнады.
ОПЕК+ елдері екі аптадан кезекті отырысын өткізеді. Тараптар бір күнде өндірілетін мұнай көлемін 2 миллион баррельге арттыру мәселесін талқыламақ.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
