Ал, жараланғандар саны 70-ке жуық. Қайғылы оқиға ел астанасы Каир қаласынан оңтүстікке қарай, Соқаг провинциясында болды. Үш вагон жарамсыз күйге түскен. Елдің Денсаулық сақтау министрлігі апат орнына 36 жедел жәрдем көлігі жіберілгенін жариялады. Олар зардап шеккендерді жақын маңдағы ауруханаларға жеткізіп жатыр. Мысырдың Бас прокуратурасы апатты тергеу амалдарын бастады, ал екі пойыздың машинистері қамауға алынған. Апат салдарынан елдің оңтүстік бағытқа қатынайтын пойыздар қозғалысы толық тоқтатылған. Қаза тапқандар мен зардап шеккендердің арасында Қазақстан азаматтарының бар-жоғы әзірге белгісіз. Мұны анықтауды еліміздің Сыртқы істер министрлігі қолға алғандарын мәлімдеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
