Бұл туралы Sada El-Balad телеарнасы хабарлады, деп жазады inbusiness.kz.
Телеарна хабарлауынша, қайғылы оқиғадан бір тәулікке жуық уақыт өткен соң үшінші құрбанның денесі табылды. Құтқарушылар іздеуді жалғастыруда, өйткені үйінділер астында әлі де адамдар болуы мүмкін.
Құлаудың себебі үйдің бірінші және соңғы қабаттарындағы құрылыс жұмыстарының ережеге қайшы жүргізілуі. Тұрғындардың бірі бірнеше қабырғаларды өз қалауынша бұзған, ал екіншісі жасырын түрде қосымша қабат тұрғызып алған. Тұрғындар бірнеше рет әкімшілікке осы бойынша шағымданған, бірақ жергілікті биліктен жауап ала алмаған.
26 маусымда Мысырдың Александрия қаласының Монтаза ауданында 13 қабатты ғимарат құлады. Ел прокуратурасы төтенше жағдайды тергеуді бастады, үй иесі ұсталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
