Өгей әкесі соққыға жыққан 2 жасар баланың жағдайы ауыр

1340

Баланың миында қан ұйыған, көп жарақат алған, іші соғылған, аяқ-қолдары ұрылған. 

Өгей әкесі соққыға жыққан 2 жасар баланың жағдайы ауыр

Алматыда 2 жасар баланы соққыға жыққан ер адам ұсталды, деп хабарлайды ҚазАқпарат.

Қалалық полиция департаментінің хабарлауынша, 23 қыркүйек кешкі 16:00 шамасында Алатау ауданының полиция басқармасының кезекші бөліміне ауруханадан хабар келіп жеткен.

"Медицина қызметкерлері 2 жасар ұл баланың ес-түссіз жатқанын айтты. Баланың миында қан ұйыған, көп жарақат алған, іші соғылған, аяқ-қолдары ұрылған. Бала комаға түсіп қалған. Полиция ең алдымен баланың 34 жастағы өгей әкесінен сұрақ-жауап алған. Басында ол бала құлап қалды деген уәж айтты. Кейіннен тергеу материалдарының арқасында ұлды өгей әкесі ұрғаны анықталды. Белгілі болғандай, баланың анасы ол кезде жұмыста болған. Жылаған баланы жұбата алмаған өгей әкесі ұрып тастапты", – дейді Жергілікті полиция қызметі ювеналды полиция бөлімінің басшысы Лейла Әліпбаева.

Ерлі-зайыптылар азаматтық некеде тұрған. Осыдан 1,5 ай бұрын Алматы облысынан қалаға көшіп келген "Көкқайнар" шағын ауданында тұрып жатқан.

"Қазір бұл жантүршігерлік оқиға бойынша ҚР ҚК 106-бабының 1-бөлімімен қылмыстық іс қозғалды. Қазір күдікті қамауда отыр. Бұрын ол бірнеше рет ұрлық үшін қылмыстық жауапкершілікке тартылған", – деді Ләйла Әліпбаева.

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу