Үкімет басшысының сөзінше, әсіресе, Түркістан мен Астана қалалары жұмысты уақытылы бітіре алмай жатыр. Бұған қоса 180 мектепте күрделі жөндеу жүргізілуде. Онда да кешігу бар. Сондықтан Ақмолада 7 мектеп, Павлодар және Солтүстік өңірлерде екі мектеп оқу жылына үлгермей қалуы мүмкін.
"Аталған өңірлер шұғыл шаралар қабылдауы қажет. Нормаға сәйкес, барлық құрылыс жұмыстары жаңа оқу жылының басталуынан 2 апта бұрынаяқталуы керек. Оқушылар таза әрі бояу иісі жоқ сыныптарға келуі тиіс", - деді ҚР Премьер-министрі Әлихан Смайылов.
Тағы бір мәселе. Әлі күнге дейін 3 мыңға жуық мектеп қауіпсіздік жүйесімен жабдықталмаған. Яғни бейнебақылау стандартқа сай емес, дабыл түймелері орнатылмаған, турникеттер мен лицензиялық күзет жоқ. Осыған орай бірқатар басшыға айыппұл салынды.
"Ішкі істер органдары 5 620 мекеменің қауіпсіздікжүйелерімен жабдықталуын тексерді. Нәтижесінде 2 900 объектіде заңбұзушылықанықталды. Барлығы 24 басшы жауапқа тартылып, оларға 5,4 млн теңге айыппұлсалынды. Қалғандарына кемшіліктерді жою туралы ұйғарым берілді", - деді ҚР Ішкі істер министрінің бірінші орынбасары Марат Қожаев.
