Премьер-министр Олжас Бектенов АҚШ президенті Дональд Трамптың тарифтерге қатысты шешіміне жауап берді, деп хабарлайды inbusiness.kz сайты.
Тілшілер "Қазақстан АҚШ тауарларына баж салығын көтеруді жоспарлап отыр ма?" деп сұрады.
"Ондай жоспар жоқ. Бірден айтайын. Ал АҚШ-тың жаңа ережелерін айтатын болсақ, АҚШ-қа жіберетін экспорттың жалпы көлемінің 95 пайызы жаңа ережелерге жатпайды. Сондықтан біз ауқымды кері әсерін күтпейміз, болмайды да. Бірақ, әрине, біз америкалық әріптестерімізбен келіссөздер жүргізуге дайынбыз, жүргізіп жатырмыз да", – деді Үкімет басшысы.
Айта кету керек, бұған дейін Трамп Қазақстан тауарларына 25% баж салығын енгізетінін жазғанбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
