/img/tv1.svg
RU KZ
Оралда депутаттың баласы күдікті ретінде ұсталды

Оралда депутаттың баласы күдікті ретінде ұсталды

Оның қайығынан марқұмның шашы мен қан іздері табылған.

07 Тамыз 2020 14:42 173

Оралда депутаттың баласы күдікті ретінде ұсталды

БҚО-да Шаған өзенінде кеме басып кетіп, қаза тапқан Екатерина Ананьева жайлы бұған дейін жазған болатынбыз. 5 тамыз күні оқиғаға қатысы бар катерді басқарды деген күдікпен «Орал сауда-өнеркәсіп компаниясы» ЖШС басшысы және Батыс Қазақстан облысы мәслихатының депутаты Валерий Крыловтың 17 жасар баласы ұсталды. 

БҚО полиция департаменті бұл мәселеге байланысты ресми түсініктеме беруге уәде еткенмен, БАҚ-тарда әлі еш ақпарат жарияланбады. Дегенмен, қайтыс болған әйелдің туысы Людмила Еркеналиева тергеу айғақтарымен бөлісуде.

Сонымен, белгілі болғандай, оқиға болған 6 маусым күні кешке кіші Крылов Орал кәсіпкерінің қызы Едаменкомен бірге моторлы қайықпен Шаған өзені арқылы қалалық демалыс саябағына барады. Онда өздерінің қатар-құрбыларымен жолыққаннан кейін қайтып келе жатып, суға шомылып жүрген Екатеринаны басып кетеді. Катер жылдамдығының күштілігі соншалық, әйелдің кейбір дене бөлшектерін жұлып кеткен, кейін олар табылмағандықтан марқұм сол күйі жерленеді. Ал моторлы қайық сол жүйткіген күйінде көзден таса болған. 

Екатерина Ананьеваның туыстары осы ретте тергеуші Руслан Қисанбаев пен жедел уәкіл Кенжебек Ешеновке алғыс айтады. Себебі, қылмыстық іс осы қызметкерлер келгеннен кейін жедел қарқын алып, қозғала бастаған. Бұған дейінгі тергеуші күйеуінің Крыловтардың адвокатымен бірге жұмыс істейтіні анықталған соң шеттетіліпті. 

Сөйтіп, жасөспірімді тұтқындауға оның қайығының корпусынан Ананьеваның қан іздерінің, моторынан шашының табылуы, оның оқиға болған кезде басқа жерде болғаны жөніндегі құжаттардың жалған болуы сияқты айғақтар себеп болған. Бұдан бөлек, тағы бір жасөспірім мен екі куәгер де қылмысты жасыруға қатысқаны үшін жауапқа тартылуы мүмкін. Оқиғаға куә болған екі жас қайғылы жағдай кезінде жағада болған.

Обалы нешік, Ананьеваның құрбысы жанұшыра айқайлағанда олар көмекке келіп, суға кеткен адамды алып шықпақ болады. Бірақ, қанға боялған өлі денені көргенде алды-артына қарамай, тырағайлап тұра қашқан.

Құралай Қуатова

Кемемен кісі басқан бала жазадан құтылуы мүмкін

Марқұмның туыстары кешірім беріп отыр.  

12 Тамыз 2020 20:33 141

БҚО Шаған өзенінде моторлы қайық басып кеткен Екатерина Ананьеваның өліміне облыстық мәслихат депутаты Валерий Крыловтың жасөспірім ұлы басты күдікті болып отырғанын жазған болатынбыз. Қазіргі күні марқұмның туыстары зардап шегуші тарап ретінде баланың ата-анасына кешірім бергені белгілі болып отыр.

«Крылов өзі кешірім сұрап, алдымызға келді. Ол маған түсінігі мол, ар-ұяты бар, дұрыс адамдай көрінді. Мен өзім де анамын, бала үшін жаның күйген қандай болатынын жақсы түсінемін. Оның үстіне, бұл жерде бала әдейілеп қастандық жасамаған, біздің қолда бар деректеріміздің бәрі оның байқамай кісі өлтіріп алғанын көрсетіп тұр», – дейді Ананьеваның апасы Людмила Ермекқалиева.

Екі жақтың кездесуіне кейін жақынын жоғалтқан қаралы кісілердің моральдық және материалдық шығыны толықтай өтеліп, келешекте барынша көмек көрсетіліп тұратын болып уағдаласқан.

Ермекқалиева ханым «біз депутаттың отбасына ешқандай арыз-шағымымыз жоқ деп жазып бердік» дегенмен, БҚО полиция департаментінің баспасөз қызметі зардап шегушіден ешқандай құжат келіп түспегенін және сотқа дейінгі тергеу амалдары жүріп жатқанын мәлімдейді.

Құралай Қуатова

Шекараға жақын маңға зымыранның бір бөлігі құлады

БҚО Бөкей ордасы ауданында мемлекеттік шекарадан үш шақырым қашықтықта, «Молодость» жаяу жүргіншілер жолағына құлаған.

01 Ақпан 2020 16:41 432

Мемлекеттік шекарадан үш шақырым қашықтықтан зымыранның бір бөлігі табылды, деп хабарлайды ҚазАқпарат «Мой город» порталына сілтеме жасап.

Белгілі болғандай, зымыранның бір бөлігі 30 қаңтар күні БҚО Бөкей ордасы ауданында мемлекеттік шекарадан үш шақырым қашықтықта, «Молодость» жаяу жүргіншілер жолағына құлаған. Бөкей ордасы ауданының әкімі Нұрлан Рақымжанов бұл ақпаратты растады.

«Бұл жанармай құятын багы болуы мүмкін, оны 30 қаңтарда шекара қызметкерлері тапты. Кеше Ресей оқу-жаттығу өткізді, зымыранның бір бөлігі сол жақтан ұшып келуі мүмкін. Оқиға орнында жедел топ жұмыс істеп жатыр. Ешкім зардап шеккен жоқ»,  деп хабарлады Нұрлан Рақымжанов.

Қосымша ақпарат мамандардың жұмысынан кейін белгілі болады.