Аталған жағдай әскери жасақ бастығы қатардағы Нұрасыл Қуанышбай мен патрульшілер Ерасыл Байнияз және Олег Фофонов "Солтүстік-Шығыс" шағын ауданында кезекшілік атқарған сәтте болған, деп жазады inbusiness.kz сайты.
Сол сәтте тұрғын үй ауласында ұялы телефонның жарқылын байқап қалған. Бейтаныс ер адамның белгісіз затты жасырын қойып, оны суретке түсіріп жатқан әрекеті әскери қызметшілердің күдігін тудырады.
Ұландықтар күдіктіге жақындап, құжаттарын сұрағанда ол қарсылық көрсеткен.
Тексеру барысында азаматтың қалтасынан салмағы шамамен 10 грамм болатын есірткі заты салынған капсула табылды.
Ұсталған азамат бірден полиция қызметкерлеріне тапсырылып, қазіргі уақытта бұл дерек бойынша сотқа дейінгі тергеу амалдары жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
