Полицейлер негізінен көлік нөпірі көп жердегі оқу орындарының жанында тұрып ата-аналар мен оқушылардың жолдан өтуіне жағдай жасайды. Әрбір тәртіп сақшысы өзіне жүктелген аумақта мектеп жанындағы қозғалысты таңғы сағат 7-ден 8:15 аралығында реттейді, деп хабарлайды 24.kz.
Бұл жұмысқа әзірше қала бойынша жеке құрамнан 40 маман мен 20 патурльдік көлік жұмылдырылды. Негізгі мақсат мектеп жасындағы балалардың қауіпсіздігін қамтамасыз ету.
Өткен жылы Өскемен қаласы бойынша 247 оқушы жол-көлік оқиғасына ұшыраған.
"Қыс мезігілінде жол бойында қар басып қалады. Жасанды кедергілер көрінбей, кейбір жүргіншілер оларды аңғармай, көрмей жол бойындағы қатты жылдамдықпен өтеді. Соның алдын алу шараларында полиция қызметкерлері мен патрульді көрген кезде ақырын өтеді. Сол үшін алдын алу шарлары жүріп жатыр", – дейді қалалақ полиция басқармасының штаб бастығы Шалқар Заманбеков.
