Сардоба су қоймасы бөгетінің жарылып, ауылдарды су басуына байланысты қылмыстық іс қозғалды, деп хабарлады Өзбекстан Бас прокуратурасының баспасөз қызметі.
"Сардоба су қоймасы бөгетінің жарылып, су басу фактісіне байланысты 1 мамыр күні 207- баптың 1- бөлімі бойынша (қызметтік салғырттық), 258- бап 2-бөлімінің "б" пункті (жарылыс қаупі бар таулы, құрылыс аймақтарында қауіпсіздік талаптарын бұзу) бойынша қылмыстық іс қозғалды", – деп жазылған хабарламада.
Сонымен қатар көрші елдің Бас прокуратурасы тергеу амалдарын жүргізу Мемлекеттік қауіпсіздік қызметіне жүктелгенін мәлімдеді.
Еске сала кетсек 1 мамыр сағат 05:55-те Өзбекстандағы Сардоба су қоймасының бөгеті жарылды. Соның салдарынан Мақтаарал ауданындағы екі ауылды су басып, елдімекен тұрғындары эвакуацияланды.
