"Өте ауыр жағдай. Оқиға үзіліс кезінде болған. 7 сыныпта оқитын Роман Новиков деген оқушымыз кабинетке жүгіріп кіреді, де сүрінеді. Құлағанда партаға соққан. Мұғалім мектептің медбикесін шақырып, бірінші жәрдем көрсетілді сол жерде. Содан кейін ата-анасын шақырттық. Әкесі келді. Жедел жәрдем келіп, әкесі мен сынып жетекшісі бірге еріп кетті. Қайғылы жағдай болған сәтте физика пәнінің мұғалімі мен үш-төрт оқушы болған. Осы жағдайдан кейін прокурорлар, полицейлер, білім бөлімі, балалар құқығын қорғау бөлімінен арнайы мамандар келіп, жауап алып жатыр. Ал балалармен психолог әңгімелесті", — деді №27 мектептің директоры Дәуір Төлемісов.
Ұстаздарының айтуынша, Роман өте алғыр, тәртіпті оқушы болған. Сабақ үлгерімі де өте жақсы болыпты. Отбасында — жалғыз бала.
Оқушының өліміне қатысты қылмыстық кодекстің "Абайсызда жас баланың өліміне әкеп соққан, балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау" бабы бойынша сотқа дейінгі тергеп-тексеру жүріп жатыр.
Еске сала кетсек, Ақтөбеде мектеп оқушысы партаға соғылып қайтыс болды.
