/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Павлодар облысында жол апатынан зардап шеккен бірнеше адамға көмек көрсетілді

Павлодар облысында жол апатынан зардап шеккен бірнеше адамға көмек көрсетілді

Жеңіл көліктің жүргізушісі рульден айырылып қалып, жолдан шығып кеткен.  

02 Шілде 2020 20:22 231

Павлодар облысында жол апатынан зардап шеккен бірнеше адамға көмек көрсетілді

Облыстық апаттар медицинасы орталығының «Қалқаман» трассалық медициналық-құтқару бекетінің қызметкерлері жол-көлік апатына ұшырағандарға көмектесті, деп хабарлайды pavlodarnews.kz.

Облыстық ТЖД баспасөз қызметінің мәлімдеуінше, кеше, 1 шілде күні сағат он бірде бірыңғай диспетчерлік пультіне Қызылорда – Павлодар автожолындағы Төртқұдық ауылының маңында көлік апатының орын алғандығы туралы хабарлама түскен.

 «Көліктің ішінде жүргізушімен бірге оның әйелі және екі жасар ұлы болған. Апаттың салдарынан 1989 жылы туған ер адам маңдайын жарақаттап, миы шайқалған. Оның зайыбы да жабық ми жарақатын алып, маңдайын жаралаған. Сонымен бірге, әйел адамның оң жақ бұғанасы сынған. Екі жасар ұл баланың өмірі мен денсаулығына ешбір қауіп төнген жоқ», – дейді департаментте.

Оқиға орнына жеткен құтқару бекетінің мамандары зардап шеккендерге жедел медициналық көмек көрсетті. Әйел адам облыс орталығына жеткізіліп, №1 қалалық ауруханаға жатқызылды.

Тағы бір жол-көлік апаты Омбы – Майқапшағай  автожолындағы Әуелбек ауылының жанында орын алды. Бұл туралы хабар «112» телефон нөміріне кеше сағат 15:35-те келіп түсті. Зардап шеккендерге апаттар медицинасы орталығының көмегі қажет болған жоқ. Көліктің төрт жолаушысы, оның ішінде үш бала жолшыбай машинамен Ақтоғай аудандық ауруханасына жеткізілді. Тағы бір зардап шегушіге Әуелбек ауылдық амбулаториясының дәрігері жедел медициналық көмек көрсетті.

Қарағандыда полицей көлігімен жас жігітті қағып кетті

Полиция қызметкері жеке көлігімен келе жатқан, қазір ол ешқайда кетпеу туралы қолхатпен босатылды

01 Қазан 2018 18:20 793

Қарағандыда полицей көлігімен жас жігітті қағып кетті

Жол апаты 30 қыркүйекте түнде болды. Шахтинск тұрғыны алған жарақатынан оқиға орнында көз жұмды, деп хабарлайды sputniknews.kz.

ІІМ Қарағанды облысы мамандандырылған күзет қызметі басқармасы батальонының полицейі, сержант BMW маркалы жеке көлігімен Шахтинск тұрғынын қағып кеткен. Оқиға 30 қыркүйекте түнде Шахтинсктен сегіз шақырым қашықтықта болды. 

25 жастағы жігіт алған жарақатынан оқиға орнында қаза тапты.

Ақтөбеде учаскелік инспектор алып кеткен адам мерт болды

Үшқұдық селолық округінің учаскелік инспекторы Айбек Назибеков қандай да бір ақпарат беруден бас тартты.

01 Қазан 2018 16:29 772

Ақтөбеде учаскелік инспектор алып кеткен адам мерт болды

Ақтөбе облысы, Алға ауданы, Үшқұдық ауылының тұрғынын КамАЗ қағып, мерт болды, деп хабарлайды Aktobenews.kz.

Ақтөбеде Үшқұдық ауылының тұрғынын үйінде отырған жерінен учаскелік полиция қызметкері алып кетті. Аудан орталығына алып кеткен соң еш хабар болмай, бір күннен соң қаралы хабар жетті. 51 жастағы Оспан Абишевті КамАЗ қағып кетіп, оқиға орнында қаза болды. Марқұмның туыстары полиция қызметкерінің оны не себепті аудан орталығына алып кеткенін білмей отыр.

«Маған учаскелік инспектор хабар беріп, үйіне естірту қажет деп айтты. Оқиға жұма күні болған, біз сенбі күні біліп, ақсақалдармен үйіне келдік. Полиция қызметкерінің не себепті алып кеткенін білмеймін»,- деді Үшқұдық ауылдық округінің әкімі Берік Ақдәулетов.

Үшқұдық селолық округінің учаскелік инспекторы Айбек Назибеков қандай да бір ақпарат беруден бас тартты.