Президент Қасым-Жомарт Тоқаев Астанаға ресми сапармен келген үшін Кипр президенті Никос Христодулидиске шынайы ризашылығын білдірді, деп хабарлайды inbusiness.kz сайты.
Қасым-Жомарт Тоқаев шақыруын қабыл алып, Астанаға ресми сапармен келгені үшін Кипр президентіне шынайы ризашылығын білдірді.
"Бұл – Кипр басшысының елімізге президент ретінде жасаған алғашқы сапары. Осы тарихи оқиға мемлекеттеріміздің ынтымақтастығын жаңа белеске көтеретіні анық. Кипр республикасы – Қазақстанның Еуропадағы сенімді әрі маңызды серіктестерінің бірі. Екі ел арасындағы саяси диалог жыл өткен сайын күшейе түсуде. Қадірлі Христодулидис мырза осыдан 7 жыл бұрын Кипрдің сыртқы істер министрі ретінде Астанаға арнайы келген болатын", – деді Мемлекет басшысы.
Айта кету керек, бұған дейін Қазақстан және Кипр президенттері шағын құрамда келіссөз жүргізгенін жазғанбыз. Қасым-Жомарт Тоқаев Кипр президентін Тәуелсіздік сарайында қарсы алды. Қасым-Жомарт Тоқаев Кипр президентін I дәрежелі "Достық" орденімен марапаттады.
