/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
Прокуратура қазақстандықтарға үндеу жариялады

Прокуратура қазақстандықтарға үндеу жариялады

Бұған дейін қоғам белсенділері азаматтарды 1 наурыз күні жалпы халықтық митингке шақырған болатын.  

28 Ақпан 2020 22:17 139

Прокуратура қазақстандықтарға үндеу жариялады

Қазақстан Республикасының Бас Прокуратурасы қазақстандықтарға үндеу жолдады, деп хабарлайды inbusiness.kz.

***

Қазақстан Республикасы Бас Прокурорының орынбасары Б. Б. Дембаевтың «Прокуратура туралы» Заңның 31-бабы тәртібінде үндеуі

Құрметті азаматтар!

Әлеуметтік желілерде заңсыз наразылық акцияларын өткізуге шақырулар таратылуда.

Бұл ретте шындыққа жанаспайтын, оның ішінде әлеуметтік және ұлттық алауыздық пен араздықты қоздыру белгілерімен ақпараттар орналастырылуда.

Заңсыз көпшілік іс-шараларды ұйымдастыру және оған қатысу Әкімшілік құқық бұзушылық туралы кодекстің 488-бабы бойынша жауаптылыққа әкеп соқтыратынын еске саламыз.

Осы әрекеттермен азаматтардың, ұйымдардың, қоғамның немесе мемлекеттің құқықтары мен заңды мүдделеріне елеулі зиян келтірілген жағдайда Қылмыстық кодекстің 400-бабы бойынша жауаптылық көзделген.

Әлеуметтік және ұлттық араздықты қоздыру, көрінеу жалған ақпарат таратуға жария түрде шақыру заңмен тыйым салынған және мұндай әрекеттер қылмыстық тәртіпте қудаланатынына назар аударамыз (ҚК 174 және 274-баптары).

Осыған байланысты, заңдылық пен қоғамдық қауіпсіздікті қамтамасыз ету, құқық бұзушылықтардың алдын алу, сондай-ақ адам құқықтары мен бостандықтарын қорғау үшін Бас прокуратура азаматтарды мемлекеттік органдардың ресми деректеріне ғана сенуге, құқыққа қарсы ақпаратты таратудан және заңсыз жария акцияларға қатысудан тартынуға шақырады.

inbusiness.kz-ті қараңыз, оқыңыз :

ШҚО-да бір миллион гектардан астам жер бос жатыр

Иелері көшіп немесе қайтыс болып кеткендіктен қараусыз қалған учаскелер бүкіл облыс аумағында бар. 

12 Қараша 2019 12:11 146

ШҚО-да бір миллион гектардан астам жер бос жатыр

Шығыс Қазақстан облысында 1 млн гектардан астам ауылшаруашылығы жерінің бос жатқаны анықталды. Бұл туралы облыстық прокуратураның координациялық кеңесі отырысында айтылды.

Прокурорлардың айтуынша, Аягөз ауданының Малгелді ауылдық округінде 56 мың гектар жерге ие 10 шаруа қожалығы ұзақ уақыттан бері жұмыс істемейді. Тарбағатай ауданында 240 аданың қайтыс болып немесе көшіп кетуіне байланысты 34 мың гектар жер бос жатқан.

Сондай-ақ инфрақұрылымның жоқтығынан игерілмеген тұрғын үйге берілген жерлер де бар. Мысалы, Риддер, Зайсан қалаларында 132, Өскеменде 6 мың учаскенің 4 мыңы игерілмеген. Бұл ретте инфрақұрылымды қалыптастыру жергілікті органдарға жүктелгенін айта кету керек.

Өскемен, Семей, Риддерде тұрғындардың өз бетінше үй салу оқиғалары да кездескен.

Прокуратура қызметкерлері жерде тиімді басқару тұрақты бақылауда екенін атап кетті. Қолданылмаған жерді анықтап, қайтарып алу үшін Жол картасы жасалған.

«Соңғы екі жылда мемлекетке құны 4 миллиард теңге болатын 261 мың гектар жер қайтарылды. Игерілмеген ауылшаруашылығы жерлеріне салық салу мәселесі шешілді. Бұған жауапты тұлғаларды жауапкершілікке тарту механизмі де жасалды. Сондай-ақ пайдаланылмаған жерді сот арқылы қайтару тәжірибесі де енгізілді»,– дейді облыстық прокуратурада.

Атырау қаласы прокуратурасының бөлім прокуроры ұсталды

Оған қызмет бабын пайдалану жолымен ірі мөлшерде алаяқтық жасады деп күдік келтірілді.

13 Маусым 2019 17:04 324

Атырау қаласы прокуратурасының бөлім прокуроры  ұсталды

Қатардағы жемқорлықты болдырмау бойынша жүргізілген жұмыс аясында Бас прокуратураның Ішкі тергеп-тексеру департаментінің қызметкерлері Маңғыстау облысы бойынша Сыбайлас жемқорлыққа қарсы іс-қимыл қызметімен бірлесе отырып, 2019 жылғы 11 маусымда Атырау қаласы прокуратурасының бөлім прокуроры Жасұлан Қаратауды ұстады, деп хабарлайды Бас прокуратураның баспасөз қызметі.

Оған қызмет бабын пайдалану жолымен ірі мөлшерде алаяқтық жасады деп күдік келтірілді.

Соттың санциясымен Ж.Ж. Қаратауға қатысты күзетпен ұстау түріндегі бұлтартпау шарасы қолданылды. 

Іс бойынша қажетті тергеу әрекеттері жүргізілуде.

Басқа ақпарат тергеу мүддесіне орай жарияланбайды.

Жаңалықтарға жазылу: