Еуразиялық экономикалық одақта Қазақстанның көшбасшылығын Ресей мойындайды. Оған ресми Астананың ұлттық экономикалық ахуалы мен геосаясаттағы ұстанымы кепілдік беріп отыр. Бүгін "Еуразия апталығы" халықаралық форумында Мәскеу тарапынан осындай мәлімдеме жасалды. Сондай-ақ, Қазақстан одақ аясында үшінші мемлекеттермен экспорттық байланыс орнатуда да алға шыққан. Жиынның пленарлық сессиясын ашқан премьер-министр Бақытжан Сағынтаев биыл Еуразиялық экономикалық одақ шеңберінде сауда-саттықтың 28%-ға артқанын да айта кетті. Бұл - Қазақстан, Қырғызстан, Ресей, Беларусь және Армения арасындағы интеграцияның жаңа талапқа инкемделгенінің айғағы дейді ол. 4 күнге жалғасатын шарада экспорт сегменті бойынша 13 ірі келісім жасалуы тиіс.
Бақытжан Сағынтаев ҚР премьер-министр:
"Бұл жерде Одаққа мүше елдердің ұлттық экономикасы жаңа талапқа икемделе бастағанын айта кеткім келеді. Жыл басынан бері Еуразиялық экономикалық құрылым аясында біршама өсім бар. Мәселен, жалпы ішкі өнім 0,8% артқан. Ал өндіріс саласы тіптен 2,7% жоғарлаған. Ең бастысы одаққа мүше елдердің сырттан капитал тарту мен сауда саттық көлемі 28%ға өсті. Мұнымен шектелмеу керек".
Жалпы "Еуразия апталығы" осымен 2-ші жыл қатарынан өткізіліп отыр. Оған Еуразиялық экономикалық одақпен әріптес 42 елден 2 мыңға жуық делегат келген. Басым бөлігі бизнес-қауымдастықтың өкілдері. Қазақстан атынан 80-ге тарта эскпорттық компания қатысып жатыр. Сондай-ақ, жиында Бірыңғай сандық жүйге көшу мәселесі де кеңінен талқылануда. Жоспарға сәйкес, 5 мемлекет 2018 жылдан бастап, ортақ ақпараттар қорымен жұмыс істеуі тиіс. Қазір кибершабуылдардан қорғану тетіктері күшейтілу үстінде.
Тигран Саркисян, Еуразиялық экономикалық комиссия алқасының төрағасы:
"Сандық экономика туралы сөз болған кезде барлық елдің трансформациядан өтуі керектігі айталады. Әрине, дұрыс. Бірақ мұнда бір сұрақ бар. Ол: "Егер әр мемлекет жеке сандық жүйеге көшуді қалайтын болса, онда кейін қиындықтар туындауы мүмкін емес пе?", - деген. Сондықтан одақ аясындай бірыңғай жүйесінің қалыптасқанын қалаймыз. Оның талаптары бекітіліп отыр. Бұл жерде қауіпсіздік шарасын бекіту бірінші кезекте".
