DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 310,31 Brent 36,55
Ресейлік ғалымдар коронавирус геномын анықтады

Ресейлік ғалымдар коронавирус геномын анықтады

Медицина ғылымдарының докторы Дмитрий Лиозновтың айтуынша, генетикалық сараптама жаңа коронавирус эволюциясын болжауға және вакцина жасауға септігін тигізбек.

19 Наурыз 2020 17:57 687

Ресейлік ғалымдар коронавирус геномын анықтады

РФ Денсаулық сақтау министрлігінің А.А. Смородинцева атындағы тұмауды зерттеу институтының ғалымдары Covid-19 деп аталатын жаңа коронавирустың толық геномын анықтады. Бұл туралы ведомствоның баспасөз қызметі мәлім етті.
Институт директорының орынбасары Дмитрий Лиозновтың сөзінше, зерттеу нәтижесі ғалымдардың жұмысын алдағы уақытта біраз жеңілдетпек. Яғни вакцина дайындау, вирусты жоятын дәрі-дәрмек шығару немесе індеттің табиғатын түсіну әлдеқайда жеңілдемек. 

Ведомство өкілдерінің айтуынша, енді бұл мәлімет Дүниежүзілік денсаулық сақтау ұйымы мен жаһандық зерттеу топтарының деректер базасына жіберілетін болады. 

Соңғы ресми деректерге сүйенсек, әлем бойынша вирусты жұқтырғандардың саны 217 мыңнан асты. Ал қаза тапқандардыкі шамамен 8900-ға жеткен. Ресейде науқастардың саны 147-ге жетіп, 1 адам көз жұмды. 

Табиғат Нұрболат

inbusiness.kz-ті қараңыз, оқыңыз :

Коронавирус жұқтырған Мишустин жұмысына кірісті

Ал Путиннің баспасөз хатшысы әлі емделіп жатыр. 

19 Мамыр 2020 17:33 71

Коронавирус жұқтырған Мишустин жұмысына кірісті

Ресей президенті Владимир Путин премьердің жұмысына қатысты құжатқа қол қойды. Covid-19 инфекциясына шалдыққан РФ премьер-министрі Михаил Мишустин өз қызметіне оралды. Бұл туралы ТАСС басылымы хабарлады.

Осы күнге дейін оның міндеттерін үкімет басшысының бірінші орынбасары Андрей Белоусов атқарған еді. Мишустин премьерлік жұмысын енді өзі атқаратыны туралы құжат Кремль сайтында жарияланды.

Үкімет басшысы осыған дейін аурухана ішінен бірнеше рет видео конференция форматында жиын өткізген болатын. Бұрын оның аурудан жазылып келе жатқаны және жақын күндері ауруханадан шығарылатыны жарияланған еді. 

Еске сала кетсек, Мишустиннен кейін Ресей үкіметінің  үш мүшесі коронавирус жұқтырды – Құрылыс министрі Владимир Якушев, Мәдениет министрі Ольга Любимова, Білім және ғылым министрлігінің басшысы Валерий Фальков. 

Ал 12 мамырда Путиннің баспасөз хатшысы Дмитрий Песков дертке шалдығып, ауруханаға жатқызылған еді. Сол кезде ол президентпен бір ай бұрын кездескенін мәлім еткен болатын. 

Джонс Хопкинс Университетінің соңғы мәліметіне сүйенсек, Ресейдегі науқастардың саны 300 мыңға жеткен. Оның 2837-сі қайтыс болды. Бұл ел вирус жұқтыру көрсеткіші бойынша АҚШ-тан кейін екінші орында. 

Табиғат Нұрболат

Фото: tass.ru

Ресей вирус жұқтыру көрсеткіші бойынша екінші орында

Covid-19 құрбандарының саны 2100-ден асты.  

12 Мамыр 2020 18:07 88

Ресей вирус жұқтыру көрсеткіші бойынша екінші орында

Ресейде осы күнге дейін 232 мыңдай адамның коронавирус жұқтырғаны тіркелді. Джонс Хопкинс Университетінің мәліметіне сүйенсек, көрші ел ауруға шалдыққандар саны бойынша екінші орынға табан тіреді. Бірінші орында – АҚШ мемлекеті. Ондағы науқастардың саны 1,3 миллионнан асқан. Ал 224 мың жұқтыру фактісі тіркелген Испания үшінші орында.

Ескере кететін жайт, 11 мамырда РФ-ның президенті Владимир Путин ел аумағында демалыс күндерінің аяқталғанын жариялады. Енді әр өңір шектеу шараларын қысқарту туралы шешімді өз бетімен қабылдайды. Мәскеу қаласында 12 мамырдан бастап құрылыс және өнеркәсіптік кәсіпорындар жұмысын бастады. Тұрғындар қоғамдық орындарда міндетті түрде маска киіп жүруге міндеттелді. Ережеге бағынбағандарға 4 мың, не одан көп мөлшерде айыппұл салынады.

Індет кең етек жайған елдердің қатарында аталған елдерден бөлек Италия, Франция, Германия, Бразилия, Түркия, Иран және Қытай бар. Дүниежүзілік денсаулық сақтау ұйымының дерегінше, әлемде коронавирус инфекциясына шалдыққандардың саны 4 миллионнан асып, оның 278 мыңы жазылған.

Табиғат Нұрболат

Жаңалықтарға жазылу: