Экология, геология және табиғи ресурстар министрі Мағзұм Мырзағалиевтің мәлімдеуінше, соңғы жылдары өзен ағынының нақты ресурсы жылына 90-100 текше шақырымды құрады. Оның 51-ге жуық текше шақырымы – жергілікті ағын, қалғаны Қытайдан, Орталық Азия елдерінен және Ресейден трансшекаралық өзендер арқылы келді.
"Тасымалдау кезіндегі шығын 3 текше шақырымды құрайды. Ал экологиялық
жүйелерді қолдау үшін шамамен 50 текше шақырым қажет", – деді Мағзұм Мырзағалиев үкімет отырысында.
Министрдің мәлімдеуінше, соңғы 3 жылда Қазақстан судың азаюын сезініп отыр. Былтыр өзен ағысының жалпы көлемі 83 текше шақырымды құрады. Бұл бұған дейінгі көрсеткіштен 20% кем.
"Республика бойынша пайдаланылатын судың 97% оңтүстіктегі 4 облысқа тиесілі. Биыл ел көлемінде 13,3 текше шақырым су пайдаланылды. Бұл 2019 жылмен салыстырғанда 1текше метрге көп көрсеткіш", – деді министр.
Қанат Махамбет
