Яғни ресейлік компания мен инвесторлар бірлестігі иелік ететін Вадинардағы Nayara Energy мұнай өндіруші зауыты кеңейтіледі.
Владимир Путин қазан айында Сауд Арабиясына сапармен барған кезде меморандумға қол қойылуы керек. Ресми дерекке сүйенсек, Nayara Energy зауытына 6,7 млрд доллар көлемінде инвестиция құю көзделіп отыр.
Айта кетейік, Nayara Еnergy зауытының 49,13 пайызы "Роснефть" компаниясына тиесілі. Ресейлік компания өндіріс орнының активін 2017 жылы халықаралық инвесторлар бірлестігімен бірігіп сатып алған.Бұл консорциумның құрамына Trafigura мен UCP да кіреді.
Ал Nayara Energy-дің иелігінде Үндістандағы көлемі бойынша ең ірі зауыттардың бірі, мұнай сақтайтын қойма, порт пен инфрақұрылым бар.
"Роснефть" бұған дейін инвесторлар консорциумының мұнай зауытының өндірісін екі есе ұлғайтуды қарастыратынын айтқан болатын.
Табиғат Нұрболат
