Семейдегі Нұршайықов және Уәлиханов көшелерінің қиылысында екі көлік жол апатына түсті, деп хабарлайды inbusiness.kz сайты.
Алдын ала мәлімет бойынша Toyota көлігінің 43 жастағы жүргізушісі басты жолмен – Уәлиханов көшесімен келе жатқан. Сол кезде Нұршайықов көшесімен келе жатқан Chery көлігінің 23 жастағы жүргізушісі жол бермей, екі көлік соқтығысқан.
"Салдарынан Chery аударылып қалды. Апат салдарынан ешкім зардап шеккен жоқ", – деп хабарлады полицияның баспасөз қызметі.
Полиция қызметкерлері оқиға орнында жұмыс істеп жатыр, апаттың мән-жайы анықталады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
