Семейде 8 желтоқсан күні кешке Қаржабайұлы мен Уәлиханов көшелерінің қиылысында жол-көлік оқиғасы орын алып, нәтижесінде үш адам зардап шекті, деп жазады inbusiness.kz сайты.
Полицияның мәліметінше, жүк тиегіштің жүргізушісі мас күйде болған, соның салдарынан қауіпсіздікке көз жеткізбестен бұрылыс жасаған. Нәтижесінде, Lada Priora көлігімен соқтығысты, көлік қатты соққыдан қарсы жолаққа шығып, Дулатов көшесінен шыққан Lexus-пен түйісті.
Апат салдарынан Lada Priora көлігінің жүргізушісі мен екі жолаушысы орташа жарақат алды. Зардап шеккендер медициналық көмек көрсету үшін ауруханаға жеткізілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
