Құтқарушылар мен әскери қызметшілер Семейдегі ЖЭО-1-дегі қазандық агрегаттарына көмір салуға көмектесіп жатыр. Бұл туралы Төтенше жағдайлар министрлігі хабарлады, деп жазады inbusiness.kz.
"15 желтоқсан күні сағат 00.34-те Абай облысының Семей қаласында ЖЭО-1-дегі ұзындығы 6 метр алаңда транспортер лентасы мен электр кабельдері жанып кетті. Сағат 01.36-да өрт толығымен ауыздықталды. Өрт салдарынан қатты отын – көмір беру жүйесінің жұмысы тоқтатылды. Сағат 10.00-ден бастап Төтенше жағдайлар мен Қорғаныс министрлігінің әскери бөлімдерінің әскери қызметшілері қазандық агрегаттарына қатты отынды қолмен салу жұмыстарын бастаған болатын", - деп жазылған министрлік хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
