Алматы облысының Ұйғыр ауданындағы Шарын шатқалында сел жүріп, 2 адам қайтыс болды, тағы 6 адам зардап шекті, деп хабарлайды inbusiness.kz.
Алматы облыстық ТДЖ баспасөз қызметі таратқан ақпаратқа сүйенсек, көз жұмғандардың бірі – жасөспірім.
"29 мамыр күні күндізгі сағат 13:35 шамасында Шарын шатқалында сел жүріп екі адамның қайтыс болғаны жөнінде хабарлама түсті. Оның біреуі кәмелеттік жасқа толмаған жасөспірім. Зардап шеккендерге жедел түрде медициналық көмек көрсетілді",- деп хабарлады облыстық ТЖД баспасөз қызметі.
Қазір оқиға орнында 31 құтқарушы, 8 техника және жедел жәрдемнің 4 көлігімен 6 қызметкері жұмыс істеп жатыр. Сел жауын салдарынан жүрген. Тағы бір адам із-түзсіз жоғалған. Қазір іздестіру жұмыстары жүріп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
