Оның айтуынша, министрлік заңдастыруды жүргізудің тәртібін, шарттары мен мерзімдерін айқындайтын Үкімет қаулысының жобасын әзірледі.
"Бұл ретте заңдастыру қажетті заңнамалық өзгерістер қолданысқа енгізілгеннен және Үкіметтің тиісті қаулысы қабылданғаннан кейін басталады. Заңдастыруды алты ай ішінде жүргізу жоспарланып отыр. Көліктің кіргізілген күні ҰҚК Шекара қызметінің немесе Мемлекеттік кірістер органдарының дерекқорлары бойынша айқындалатын болады. Бүгінде бұл процесс толығымен автоматтандырылған. Сонымен қатар шекара қызметінде немесе Мемлекеттік кірістер органдарында көлік құралын әкелу туралы мәліметтер болмаған жағдайда, автомобильдің Қазақстан Республикасында нақты тұрған күні автосақтандыру полисінің алғашқы рәсімделген күні бойынша айқындалады", - деп атап өтті спикер.
Айта кету керек, осыған дейін заңдастыруға жататын шетелдік көліктерді тексеру қалай жүргізілетінін жазған болатынбыз.
